60大壽開騷多人陪甄妮澄清女兒身世

殿堂級歌手甄妮即將舉行《甄妮愛Show世界巡迴演唱會》，她指明年2月20日的尾場個唱當天是其60歲生日，能有逾萬人同慶生日「沖喜」，她笑言有助「化太歲」。問到是否曾在台灣節目承認女兒甄家平是試管嬰兒及由亡夫傅聲的冷藏精子所生，她即澄清：「主持人于美人以人工受孕誕龍鳳胎，自己都好艱難先有BB，所以我哋只係分享經驗。」她指女兒不會過問，希望傳媒亦不要再追問女兒身世。此外，她自爆曾有一刻想「收山」：「2010年喺香港機場畀人撞斷手，診所職員搞到我隻手更嚴重，要頂硬上去雲頂做騷，搞到我有一刻唔想再唱，但其實當心情好時都會想唱。」她大呻機管局至今仍未為此事作出交代。