陳煒寸「缺席即炒」有病睇醫生

亞視下令藝員要上訓練班，更嚴懲遲到及缺席者，令「亞洲之子」亢帥克亦要飛的上堂！他前晚出席聖誕活動時大爆：「依家要打卡，遲三次就炒！」並希望有車馬費，但仍大讚課程令他獲益良多。同場的古卓文則自爆周五才會上堂：「之前唔喺香港請咗假，其實唔上堂就炒人過分咗少少。」至於伍偉樂冬至當日則跛住腳返公司請假，更要Call白車走：「合約寫住演藝訓練必須進行，已經拎咗6日假紙。」而被炒的張啟樂前晚在微博示威，指被炒當日過了人生中「最溫暖的冬至」。

至於亞視出身的陳煒昨日亦寸爆娘家：「合約有冇寫明要上堂，如果冇，被炒好無辜，去勞工處問吓係咪可以告僱主。」更稱「有強迫症要趁早睇醫生」。