林莉點擊滿Fun

名模林莉早前在活動上不慎露點，曾揚言會緊守胸前兩點的她，日前為品牌拍攝宣傳照，在演繹一襲中門大開裝時未有黐乳貼，結果胸前一點再度失守！

名模林莉（Carrie）早前為了時裝品牌專程飛抵北京，拍攝一輯全新聖誕宣傳照，並來個性感大解放，中門大開，令人眼前一亮！可惜，真空上陣的她未有黐乳貼，未知是否動作過大，無意露出一點，是繼早前活動露點後再走光，認真大意！

不過，Carrie受訪時強調：「睇過晒啲相係冇問題，好信任今次個Art Director，有佢Scan過晒啲相，一定冇問題！（點解唔黐乳貼？）作為專業模特兒，工作上盡量依從Art Director同攝影師意見，將服裝特色展現畀客戶睇！」

浸足7日牛奶浴

為了有完美效果，Carrie於拍攝前浸足7日牛奶浴及每日敷面膜，令皮膚更白滑。提到今次不乏性感造型，對此Carrie仍輕鬆地說：「大家都知我有幾多本錢，不過作為模特兒，我只想突出服裝嘅特別之處，冇話性感唔性感，我好開心能夠將服裝嘅美好一面展現畀大家睇，加上今次同香港嘅形象顧問及北京攝影師合作，佢哋嘅意念好新穎，我哋合作非常愉快！」難怪被攝影師大讚：「林莉擁有東方人的漂亮面孔，又有西方人的高挑身材，非常讚！」