馬國明唔知朱晨麗失戀

本月中於台慶頒獎禮奪得最喜愛角色獎的馬國明,昨日到天水圍出席《魔幻巨星大比拼》活動,他直認近日荷包腫脹:「自從喺馬來西亞攞咗獎後,多咗工作,攞埋香港個獎,又再多啲,我依家搵錢至上,想等樓價回落少少就買樓,因為以前試過買股票蝕咗六位數字,所以始終都係覺得買磚頭先係最保值。」

對於與劇集《名媛望族》中的「老婆」朱晨麗傳緋聞,馬國明說:「係誤會,我冇『斷正』,周志文(同劇演員)當時都在場。(朱晨麗話拍劇初期正值失戀?)係咩?唔知,冇理由問住人哋有冇拍拖、有冇男友,不過佢起初係比較靜,我同吳卓羲都有Keep住同佢傾偈,後尾佢愈拍愈進步。」

馬國明人氣爆旺,出席商場活動獲不少粉絲舉牌撐場。