Jay＠SuperGear泰國浮潛遇意外

每個女孩子都想擁有白滑肌膚，不過組合SuperGear成員Jay（黃靜怡）卻大唱反調，坦言「最鍾意同陽光玩遊戲」的Jay，早前與朋友抽空到泰國布吉旅行，感受異國的陽光氣息，並欣賞當地著名人妖騷！本身擁有潛水牌照的Jay，更在布吉大玩浮潛，她說：「今次係我第一次玩浮潛，同潛入海底睇魚感覺好唔同呀！」不過她表示在浮潛時發生意外，令相機即場報銷：「我原本諗住帶埋相機落水影相，出發之前已經預備定防水相機袋入住部機o架喇，點知個袋最後竟然入晒水，搞到部相機即場報銷！（咁啲相呢？）好在張記憶卡都救得番，如果唔係啲相就冇晒喇！」