「學生」筱靖：絕對學到嘢！

亞視怒炒「逃學威龍」藝人，有上課的筱靖深感認同：「應該！有賞有罰。（教學無聊？）教形象同公關手法，絕對學到嘢！（點睇要藝人加簽硬食條款？）我唔使加簽，我份合約根本就有，其實老闆叫到就應該跟從。」顏子菲則持不同意見，她說：「上堂講亞姐歷史，我覺得未必有實質幫助。我戥被炒嘅同事慘，亞視不嬲有人情味，應該畀次機會！」而導師劉錫賢說：「我唔知公司炒人，冇聽過要藝人加簽。我教咗4堂，學生最多十幾人，上一堂得六個人，下月頭再上堂。」朱慧珊說：「我應承咗做導師，但依家放緊假！唔知炒魷事件。」至於導師之一的林韋辰則認為懲罰太重，應該警告了事。至於以非演藝班出身而婉拒當導師的陳啟泰，不擔心會因而被炒。