安仔叫開騷畀林峯補數

郭晉安和陳敏之昨日拍攝無綫新劇《法網囂雄》，對於有不少投訴不滿視帝賽果，郭晉安表示黎耀祥當選視帝是實至名歸：「如果計Fans多不如整個Fans多大獎。（林峯、子珊失落視帝后唔拍劇？）咁睇吓點樣搞番順佢，叫公司開多十場演唱會畀阿峯賺吓錢先啦！」而在劇中飾演未婚媽媽的敏之大讚小演員聰明又得意，問到可會生番個？她說：「我第時一定會生，不過唔係依家，等我調理身體先，同埋我依家Enjoy拍拖。（多投訴不滿視帝視后賽果？）我唔Surprise，因為我買楊怡贏，而視帝我就出於友情投咗畀馬國明，所以呢啲好主觀。」

另外，前晚播出的《法網狙擊》中，賈曉晨在劇內爆粗，又有眼利網民留意到敏之做女警的證件寫着「只作道具之用」，不過這次是因要以資識別真假而一定要加上。