張智霖掩護沈嘉偉

與曾志偉十分老友的張智霖（Chilam）、余文樂、劉偉強和沈嘉偉等前晚出席活動，有指沈嘉偉協助警方調查黃浩報稱被掌摑事件，Chilam前晚聲東擊西試圖引開記者掩護沈嘉偉入場，問到Chilam是否刻意調虎離山？他說：「咁佢唔係Artist嚟！」提到志偉被捕一事，他說：「因為我都啱啱喺上海返嚟，唔太知咩事，唔回應喇！我亦唔會特別關心，好小事啫！（拘捕喎？）唔識答。」至於樂仔表示做後輩不宜太多評論，希望志偉平安度過。而劉偉強則撐志偉撐到上心口：「等佢自己解決，佢識應付o架喇！佢係我大佬前輩，同埋娛樂圈一向跟紅頂白。」

另外，譚詠麟（阿倫）昨日到學校為慈善音樂會綵排，談到志偉涉嫌襲擊而被捕和保釋候查，更有傳言指有藝人會上庭做證，阿倫幽默地說：「唔擔心，話咗係輕撫，就係輕撫囉！學友都有首歌你唱啦！一係我聖誕快樂你o架！」問到他志偉有否擔心？阿倫又繼續搞笑說：「尋晚踢波踩咗幾次波車囉！又撻Q咁囉！」前晚阿倫在球場踢波，就六年前他控告某雜誌的失實報道終有判決，雜誌賠錢兼刊登道歉啟事，討回公道。