畀老公激親 Cara G.註冊哭崩

名模Cara G.前日與拍拖七年半的Jesper在金鐘註冊，晚上邀好友飯敍慶祝。Cara自爆註冊時感動落淚，笑言老公表現鎮定令她感到生氣，Jesper笑說：「我都好開心，感覺同Cara一齊成長咗！」Cara透露近日忙於整請帖：「係我哋親手畫！婚紗同晚裝裙都係我親自設計，所以好忙！（生B？）希望！我想30歲前做媽咪！（Lisa S.造人成功喎！）好羨慕佢同好戥佢開心！」

同門的Rosemary亦有到賀，並表示今年四月與拍拖三年的男友開始同居，問到是否試婚？她笑說：「都係嘅，大家想有更多溝通！」並指男友十分喜歡小朋友，將來定會生兒育女。