杏兒唔信Bosco撻着Niki

連過「三關」的胡定欣再奪「女配角」獎項，好姊妹胡杏兒專誠為她慶祝，對於前男友黃宗澤被指撻着周麗淇，杏兒似乎不太相信。而古明華告知女兒自己得獎時，女兒開心得喊了出來！

胡定欣之前分別在馬來西亞、新加坡勇奪「女配角」獎項，前晚她更連闖「三關」，在無綫台慶頒獎禮再奪「最佳女配角」獎項，成績斐然，難怪好姊妹胡杏兒就算捧蛋，也專誠盛裝為她慶祝，場面熱鬧。胡定欣和古明華等前晚齊齊在頒獎禮後，到尖沙咀一間日式食肆開私人派對慶祝，杏兒最先到達，雖然沒有獎項，但她仍替好友們高興。

對於在頒獎禮上與前男友黃宗澤（Bosco）似乎冇甚交流，杏兒說：「冇咩？我哋冇嘢o架喎！我都有同佢打招呼！」提到Bosco日前被指因拍劇而與周麗淇（Niki）撻着，杏兒聞言似乎對傳聞不太相信，更笑說：「係咩？寫之嘛！佢都唔會，啲人搵啲嘢嚟出嚟寫啫！」

胡定欣自嘲喊樣醜

而胡定欣坦言今次過「三關」特別興奮，她笑言香港是主場，若然攞不到獎會很醜：「我發覺自己喊個樣很醜，今次要靚，所以忍住唔喊！」

奪得「男配角」的古明華本來跟太太、女兒去旅行，但要出席頒獎禮故不能前往，他坦言致電給女兒告知自己得獎時，對方開心到不停喊！他又不諱言續約無綫成數很高，對方亦很有誠意。問到會否怕被指以合約換獎時，他說：「乜都有人講，係投票後無綫先同我傾約嘅！蘇基呢個人物係無綫資產，佢哋開嘅條件都好有誠意。」