馬國明O嘴全城Like祥仔呻平抓加人工

黎耀祥前晚壓倒大熱林峯三度稱帝，宣布一刻，有份角逐的馬國明當堂「O嘴」，似乎極為驚訝，表情爆趣，更被網友大讚表情真摯、可愛！馬國明昨日坦言當時「窒咗」：「我諗住阿峯攞，諗住起身恭喜佢，但宣布係祥仔，我窒咗一窒Dead Air咗！我都戥阿峯唔抵，因為佢多Fans，機會真係好大，當然祥仔攞係實至名歸！」

而祥仔亦表示當時很愕然，他昨日為新劇開工時說：「我都愕然，大家都諗阿峯攞。（加人工？）想加20至30%，好耐冇加，人工偏低。（得票比例奇怪？）唔同遊戲有唔同玩法，冇絕對公平。」對於無綫接獲24宗投訴不滿他稱帝，他說：「攞視帝唔代表我最好，我都有進步空間。」而前晚得獎後，祥仔與Fans在電視城外「吹喇叭」慶祝，其後返家食隔夜滷水鵝當消夜。

此外，有指馬國明與朱晨麗「同車」撻着，二人昨日齊聲否認，並澄清同車還有周志文。