楊怡寸陳茵媺偏私

徐子珊、楊怡、陳茵媺和鍾嘉欣，昨日分別為「視后」獎項拉票。陳茵媺公然為男友陳豪拉票，在旁的楊怡即開口指自己公私分明，即使羅仲謙有份角逐獎項，她都會投馬國明，似另有所指！

無綫「視后」競爭激烈，其中陳茵媺昨日拉票時竟順道為男友陳豪拉票：「對唔住馬國明，我撐7號（陳豪）呀，因為有私人原因。」楊怡聽後力撐在場的馬國明說：「就算羅仲謙有份我都投馬國明，因為我公私分明。」事後問她是否寸陳茵媺偏私，她說：「唔係呀！我指……唉！死兜，點兜都錯添，我指我冇私人原因咋！」

徐子珊向高層拉票

徐子珊透露已成功向無綫行政主席梁乃鵬和無綫高層樂易玲拉票：「佢哋肯投我一票已經好開心。（向老闆陳國強拉票？）冇見過佢，見到所有人都會拉，冇放過。」早前她被《好報》拍到與黃智雯一同到廟宇稟神，徐子珊直認是祈福求順利。提到徐子珊已向梁乃鵬和樂易玲拉票時，楊怡說：「都係兩票，OK嘅。」緋聞男友羅仲謙指若得獎會在台上講「心底話」，她說：「我諗佢都未必得，我都投咗古明華。」外界有指全民投票年輕偶像較着數，楊怡表示結果由市民決定，不覺有不公現象。

另外，鍾嘉欣宣傳劇集《幸福摩天輪》，對於視后則抱平常心。早前有報道指她身價暴跌，她澄清：「身價每年有升冇跌，唔想報道影響客戶壓價。」對於網上流出其性感照，她說：「我唔知。廣告搵我係形象健康，我唔介意性感，但唔要走光。阿媽話女仔後生有得騷就騷啦。（底線？）睇感覺。（收貴啲？）開心價就可以。」