今年首度入圍角逐台慶頒獎禮「最佳節目主持」獎的黎芷珊，因主持新節目《最佳男主角》而爆紅，連高層樂易玲都投她一票，成為大熱人選。但見慣風浪的芷珊受訪時稱只會以平常心面對：「有少少信心嘅！有獎攞嘅話都要多謝13位嘉賓嘅支持，其中最大回響係謝霆鋒嗰集，透露咗佢生皮膚癌秘密。（多謝多位前男友？）唔想特別只多謝佢哋幾個，其實我都諗得太多，甩拖後又冇男友陪慶祝！（有人追？）感覺唔到喎！可能啲桃花去晒觀眾支持我！」
芷珊訪問自爆曾患癌的霆鋒，引起極大回響。
