Kary被踩樣衰勁Down

歌手吳雨霏昨日自爆入行辛酸史,曾因被嘲醜樣而不開心,幸經過努力後事業現曙光,近日在頒獎禮掃5獎,吐氣揚眉!

曾是Cookies成員的吳雨霏(Kary),昨日接受電台訪問時透露,初出道時因樣子不討好而被忽視:「以前畀人話唔夠靚而唔開心,試過有次Cookies大合照我霸咗中間位,不過畀記者叫我企番後排,不過我冇得發脾氣,惟有硬食!」近年樣子激變的她,不時被傳整容兼被嘲「人造人」,她慨嘆:「依家識打扮又畀人話整容,成日講都覺得煩!」

感情方面,Kary坦言跟林德信、周柏豪的緋聞都是煲水,大家只是朋友,但不排除與前男友「網球王子」洪立熙復合:「我哋依家係朋友,大家都仲後生,應該專注事業,如果有緣分,唔排除將來復合!」

師兄阿詩同場不遇

另外,環球歌手於前晚在廣州舉行的《華語金曲獎》橫掃22獎,成為大贏家,當中陳奕迅及Kary分別成為男、女歌手成績最強得主,分奪6個及5個大獎!而當晚得獎的還有劉浩龍(師兄)及何韻詩,是為師兄宣布與容祖兒拍拖後首度與阿詩同場,但由於二人在不同時間上台攞獎,故未有同台碰面。

音樂組

Kary女大十八變,未知洪立熙可有派Like呢?

洪立熙

孫耀威默默耕耘,自然不會中空寶!

環球歌手稱霸內地頒獎禮,成績誇啦啦!