李寶安寸王維基街口挖泥沙

無綫昨晚筵開160席盆菜宴再冧一眾職藝員，陳法拉、鍾嘉欣、馬國明及胡定欣等均有出席，行政主席梁乃鵬在台下氣憤地狠批王維基，集團總經理李寶安上台接棒玩暗寸：「『街口王』喺街口做咗個地盤挖泥沙，開咗檔嘢，用甜言蜜語引班年輕男女藝員去街口工作！」對於有傳政府明年三月發牌，法拉表示不會賣TVB股份，很享受做小股東。馬國明則支持發牌：「有競爭先有進步，但TVB會繼續做龍頭！」胡定欣透露會投前男友馬國明得「我最喜愛的電視男角色」。而馬國明昨日出席另一活動時，表示以平常心看待視帝：「今年都冇話有咩大熱門，因為係一人一票！（林峯多Fans？）佢係多舉牌嘅Fans。」

此外，台慶頒獎禮嘉賓落實由楊千嬅頒視帝，葉德嫻頒視后，其他斟洽中人選包括曾志偉、吳君如、吳孟達及癌症病愈不久的張達明。至於傑出演員獎，高層余詠珊表示經內部嚴格審核後會有五位得獎者。