志偉暗嘲亂噏衰過屎

一眾捲入「食肆吸毒風波」的藝人昨日正式向黃浩發律師信，更懷疑有人報假案企圖妨礙司法公正。捲入涉掌摑黃浩事件的曾志偉，昨日出席活動時笑笑口表示，此事教訓大家：「食錯嘢可以屙番出嚟，說話就不能亂講！」

曾捲入掌摑黃浩事件的曾志偉昨日出席拉麵店開幕典禮時，心情不俗，問到徐濠縈與何超儀等為「食肆吸毒風波」召開記者會一事，當時未知詳情的志偉說：「上次阿徐同Eason（陳奕迅）開完記者會有講我知，但中間冇聯絡。（件事沒完沒了？）新聞就係咁，有少少炒炒吓就咁，既然都明白件事，就應該完結。」

撐徐淑敏多人錫

有指黃浩曾表示外界趕絕他與太太，志偉即說：「梗係唔係，佢太太（徐淑敏）喺TVB出名多人錫佢，係乖女，一件事還一件事，佢自己先生唔撐又唔得。」對於阿徐等正式向黃浩發律師信，並提到懷疑是否有人報假案企圖妨礙司法公正，志偉說：「可能黃浩又話冇睇過段片（吸毒錄影帶），佢哋（飯局藝人）想還自己一個清白。」

志偉指形象對藝人十分緊要，會直接影響代言產品。問到對於黃浩今次收律師信有何睇法？志偉想了想才笑笑口說：「呢件事畀到大家好好嘅警惕，冇呢件事就唔好亂講，大家不斷回應係因為涉及毒品會對整個演藝圈有負面影響。食錯嘢可以屙番出嚟，說話就不能亂講！」

天華指聲譽好緊要

同場的謝天華亦說：「藝人聲譽好緊要，傳緋聞係無可厚非，但涉及毒品就嚴重好多，會影響家人同朋友，佢哋（指徐濠縈等人）有呢個行動，相信有足夠理由。手頭上冇佢（黃浩）所講嘅錄影帶，就有可能係報假案。」他更指今次是一個警惕大家不要亂報案、亂說話的例子，否則會社會大亂。