傳社團家族成員介入阿徐擔心人身安全

黃浩最初爆出有明星於餐廳「開飯」的「飯局事件」，繼而報稱在婚宴上遭到掌摑，最新更有報道暗示有社團家族成員因不甘他受屈而代為出面介入事件。問到超儀可擔心有人介入？她說：「有擔心過！但我唔會請保鏢，我行得正，企得正！（有聽過傳聞？）都係透過傳媒得知！」問到可有社團人士主動聯絡她？超儀指事件已交由律師處理，不方便回應。

記者會上，徐濠縈亦被問有關社團家族成員介入一事，提到是否認識該成員？她一再強調：「應該問番傳出來嘅人，同埋寫報道嘅朋友，我哋都係好被動！（擔心人身安全？）擔心o架！我哋都有小朋友！」但她同樣指不會聘請保鏢，有記者追問有否收過恐嚇？她的代表律師即幫口扯開話題。