黎耀祥視帝投自己一票

黎耀祥、胡定欣、陳茵媺、陳國邦和曹永廉等台慶劇《大太監》演員,昨日踩落尖沙咀及旺角拉票,引來逾百人圍觀。視帝大熱人選祥仔近日頻頻拉票,戴上(24)綵帶的他說:「咁樣作用不大,觀眾鍾意睇劇選角色!(公投『視帝』投自己一票?)有投自己,老實唔客氣啦!」提到發放免費電視牌照,他說:「有良好競爭都係好!(贊成?)冇話贊唔贊成,不過政策要明確,唔好好似『李連英』咁拖拉。」而今年首次入圍「最佳女主角提名的陳茵媺,坦言有提名已很開心:「我心水係佘詩曼或米雪!但最想《天梯》攞「最佳劇集」獎!(陳豪投票畀你?)未,希望佢投。(你有冇投佢攞『視帝』?)Of Course!」而陳豪昨晚被問到可有投女友一票時,他笑說:「我『視后』同埋『女配』都投咗佢!」

祥仔(前左)率領演員造勢,場面熱鬧。

陳茵媺「被圍」,大受市民歡迎。

剛榮升爸爸的陳國邦亦落力為劇集拉票。