鍾嘉欣「咀仔」粉絲怒吼

鍾嘉欣昨日出席聖誕活動，跟魔術師學玩氣球魔術時相當騰雞，當她作狀錫魔術師時，全場粉絲尖叫，令對方表演完亦不敢錫其手仔。

女神鍾嘉欣的香澤人人想親，但她昨日在將軍澳出席聖誕活動，即場跟魔術師學玩氣球魔術時，坦言驚「爆波」的她顯得相當騰雞，及後魔術師索吻，嘉欣怕醜婉拒，並有點扭擰，最後只作狀碰碰面，不過已經令粉絲尖叫。

現場魔術師見眾人情緒高漲，欲再搞氣氛，惟最後自討沒趣，因為他表演完魔術，捉着嘉欣手仔想錫下去時，粉絲即o依嘩鬼叫，魔術師最後只敢錫落自己手背打圓場，女神「貞節」得以保住，才令粉絲安心。

最近忙於拍新劇《巨輪》的嘉欣透露，聖誕節將會邀請朋友返家開派對：「搞House Party好啲，又方便！」又表示會在家中布置BB聖誕樹添氣氛，但最頭痛是買禮物給藝人朋友，因覺得他們並無所缺，但亦已網購禮物，希望趕及聖誕前送到。

視后冧巴唔Lucky

問到可有叫朋友投票選她做視后？她說：「我個候選號碼係4號，都唔係Lucky Number，但都希望今次有轉機。」