子淇信末日論畀老公笑

徐子淇昨晚以懷舊打扮出席於香港藝術中心舉行的《12月當代視覺藝術展開幕典禮及晚宴》，她表示活動以70年代為主題，有朋友建議她扮陳寶珠：「我Gel咗個頭，但老公唔肯着喇叭褲，不過我幫佢準備咗假髮！」更自爆最近忘了結婚周年紀念，自嘲並非好太太：「老公喺我個月曆記低咗15號食飯，我仲問秘書我幾時約咗人食飯。」她又透露將於盛傳末日的本月21日去旅行：「朋友覺得喺屋企安全啲，我上網睇完，愈睇愈驚，我問老公去唔去好，老公話有事就全世界有事。」她更買定水及罐頭帶去旅行，遭老公阻止：「但都會帶定奶粉同水畀小朋友，仲買咗電筒。我睇過啲資料話末日有科學根據，老公話我蠢，仲話女人易呃。」