祖兒6度封歌后

樂壇天后容祖兒前晚在《TVB8金曲榜頒獎典禮》第6度捧走「最受歡迎女歌手獎」，共奪4獎的她成為全晚大贏家，率先為稍後舉行的連串頒獎禮揭開序幕！

容祖兒、林峯、蔡卓妍（阿Sa）、泳兒、鄧紫棋（G.E.M.）及陳法拉等前晚出席《2012年TVB8金曲榜頒獎典禮》，第6度捧走「最受歡迎女歌手獎」的祖兒，更憑《霧裏看花》連奪「金曲獎」及「金曲金獎」，又憑《牆紙》勇奪「全球觀眾最愛粵語歌曲獎」。

成為大贏家的祖兒，自然笑不攏嘴，她說：「好開心！唔覺唔覺，原來今年我Plug咗12首歌！今年只係出咗1隻碟，同埋唱咗啲廣告歌，今年經驗幾好，我幾鍾意今年嘅嘗試！」

撐陳奕迅處理佳

對於曾志偉發表「食屎狗論」，祖兒說：「幾風趣！（有冇聯絡陳奕迅？）冇，知佢哋應付到，清者自清，我心裏支持，唔使通電話！佢處理得好，令件事盡快得到解決！（事件損害藝人形象？）希望大家自己人唔好咁，要珍惜呀！其實嗰件事睇嚟又唔係真嘅，大家知乜事，成件事最好唔好再講，唔好畀啲人得逞！（點睇陳奕迅以行動撐太太徐濠縈？）無可厚非，畀人出言傷害，點分析都冇用，佢咁做可以停止各界再揣測，佢不嬲都愛錫屋企人，咁做好正常！」