關詠荷笑Bobby NG王

歐陽震華（Bobby）和關詠荷等昨日在將軍澳電視城為劇集《情逆三世緣》進行開廠拜神儀式。久休復出的關詠荷獲無綫錫住用，她說：「咁同以前比係舒服啲，依家一日拍一組戲，初時都畀人話我蠢，拍三個唔同時代背景實好辛苦！但劇本出咗後濃縮咗，冇咁多支線，唔可以分開嚟拍，但都唔慣！日日都要拍通宵。」她取笑老拍檔Bobby多年來沒變：「佢一樣咁多NG，隨便講四個字塞番啲位就當係，但佢都係一樣咁開心。」

談到有指政府若再發出免費電視牌照，亞視有機會倒閉，關詠荷說：「負面去睇係有機會，正面去睇可能會積極啲，希望亞視可以企番起身啦！」Bobby不相信政府再發免費電視牌會令亞視倒閉：「要執一早執咗啦，有時做生意唔係講賺錢，可能人哋老闆其他地方賺到錢，當慈善機構咁做呢。」他指拍攝該劇只是開廠不用拍外景，有足夠時間休息。另外，劇中飾演小兒麻痹症患者的章宇昂，事前視察真實個案作參考。此外，敖嘉年、鄭子誠、羅莽和楊秀惠指以觀眾立場來說，不反對政府再發免費牌照，即使有新電視台也威脅不了無綫的領導地位，認為有競爭才有進步。