請辭仁美主席 羅霖：唔係多此一舉

羅霖昨日為《ATV2012亞洲小姐》大中華賽區20位佳麗，擔任餐桌禮儀師。對於辭任「仁美清叙」主席，她表示正式來說是屆期完結，功成身退。對於被會長黎燕珊暗指多此一舉，她說：「係一個好禮貌嘅做法，唔係多此一舉。任何大公司高職位想離開或任期滿，多數會寫信鼓勵支持團體成員。」更稱任期滿後亦不會做會員，但日後樂意幫忙，並否認辭任與會長黎燕珊早前的爭拗有關。問到有否心水主席？羅霖說：「會再投票，原本心目中有個副主席可以升。（黎淑賢？都辭咗喎！）係另一位，但佢都會辭。（黎虹讌？）黎淑賢交代咗，但另一位未。」

對於有指香港若多一間免費電台，亞視隨時會執笠，她說：「咁嚴重？未聽過。當然唔希望倒閉，香港好多人睇電視，多一個台未必影響到亞視，但當然唔希望有啦！希望兩台保持競爭性，我對亞視存有希望。」