前老闆阿叻怒插品格有問題

組合E-Kids成員Tommy（阮民安）日前涉嫌僅手持4張Big Bang的香港演唱會門票便賣給十數人，有人付錢後因未能拿到門票而報警求助。

身為E-Kids前老闆的陳百祥（阿叻）表示對此事略知一二，並憤怒地說：「佢都唔只一次，又大耳窿又有其他嘢，一開始已經知呢個人嘅品格有問題。我從來都冇支持過佢，你問譚詠麟會熟啲。（有冇聯絡？）啲啲都冇，我已經放棄咗呢個人。（佢財政有問題，關心吓佢？）冇得關心，佢係成人，要為自己負責任。」

而曾與阮民安（Tommy）合作發生不愉快事件的鍾蕙芝（Lavina）昨日在電話中說︰「我同佢唔熟，係做嘢時見過幾次，聽聞佢欠好多人錢，今次見怪不怪。」她指做人要負責任︰「若然件事係真，如果係做壞事就要得到懲罰，其他嘢唔評論咁多。」