王子涵拍微電影唔計錢
王晶千金王子涵（Ada）近日有新搞作，擔任微電影《傷戀時間》策劃人，導演李卓斌更找來新人李悅彤（Liddy）擔任女主角，不過最勁莫過於導演碌爆人情卡，找來金牌監製錢國偉客串一角！
今次Ada親力親為擔任幕後工作，為過劇癮仍客串一角：「電影拍咗4日，雖然我未必日日都可以跟到，有時睇到Liddy個Facebook Post咗啲開工相，睇完好想搵佢哋。」Ada與Liddy自爆今次人工只收「友情價」：「微電影Budget好少，我哋本身同導演Friend底，冇計啦！（人工幾多？）收咗封利是仔囉！」Liddy表示在電影中，最花時間找地方拍戲：「我哋有時冇Book到場地，就直接去目的地，都幾險o架！不過好在最後都順利！」
王子涵擔任微電影策劃人，坦言冇壓力。
Liddy（左起）、李卓斌和Ada老友鬼鬼，收友情價演出。