MVG怕標籤o靚模

組合MVG為最高的女子組合，前身為模特兒的她們，因「生得高」被外間標籤為「o靚模」，4位成員表示希望以實力取勝，拒行性感博出位！

樂壇人才輩出，要突圍絕非易事，現今女星都會以「行性感」為捷徑，加深觀眾對自己的印象，反觀組合MVG 4位成員劉雅婷（Toby）、黃綺欣（Jess）、周曉彤（Ivy）和文曉妮（Sherry）個個身形高挑，站在台上已經非常突出，其實不用靠性感也可以引人注目，不過她們卻認為「身高」是個弱點，Sherry說：「始終男仔同女仔睇嘢唔同，有時我哋着背心短褲高踭鞋，大家都會覺得我哋性感，覺得我哋係異類。有時出去做嘢，大家覺得我哋生得咁高會好阻住，又會講啲難聽嘅說話。」

帶領潮流尖端

生得高其實理應可以舒舒服服行天橋做模特兒，不過靠「高」搵食的MVG坦言被外間標籤為「o靚模」，其實內心也不好過，Ivy說：「其實我哋年資方面都做唔到o靚模，其實我哋係歌手，唔係賣肉，唔係玩玩吓，係好認真去做好呢份工。我哋仲好想為MVG創立一個品牌，令大家認識我哋多啲，希望可以帶領一個潮流嘅尖端。」