柏豪告別傷心年

歌手周柏豪被喻為新一代少女殺手，即將開演唱會的他日前接受《娛樂onShow》邀請，與節目主持俞詠文（Angela）大談演唱會的籌備工作，自爆希望2012年快點完結。

周柏豪向主持Angela透露在演唱會的籌備工作中，養好身子是他的首要任務，因為自年初開始他便體弱多病，他說：「我由今年一月拍跳水MV時凍傷咗之後，就一直病到七彩，仲無啦啦變到有哮喘，到十一月身體先開始好番啲。依家我會做多啲Gym，希望可以令我嘅體態好啲，預備到時喺台上可以應付得好啲。」

飽受喪親之痛

雖然柏豪今年連開兩次演唱會，不過他卻向Angela表示希望2012年快點完結，皆因今年對他來說是不完整的一年：「其實今年我發生咗好多事，好似我婆婆因為病咗入醫院，之後離開咗；自己又有朋友癌症復發，社會又發生咗好多唔好嘅事，對我嚟講，我好希望今年快啲完。我身邊嘅朋友成日都覺得我好似做咩都咁順利，但28年嚟，我都經歷咗好多唔開心嘅嘢，所以我對『Imperfect』（唔完美）好有體會。」想知道更多柏豪的訪問片段，一定要上《娛樂onShow》收看啦！