黎耀祥寧陪阿仔唔搵人仔

無綫今年以公投形式選視帝，貴為兩屆視帝的黎耀祥說：「信心一半一半啦！《大太監》嘅角色幾特別，但再攞視帝嘅機會細啲。」今年以拍古裝劇為主的祥仔渴望多拍時裝劇：「拍古裝好辛苦，次次至少着三件長袖衫，啲衫又厚又唔通風！拍《造王者》開完廠景就開外景，連沖涼都冇時間，試過幾日冇返屋企，妝都唔落就喺車瞓！」至於會否希望兒子將來加入娛樂圈？他說：「唔會啦！之前同佢父子檔拍廣告，只係想佢體驗多啲，佢應該有自己嘅路！」祥仔又表示為了兒子而放棄返內地拍劇：「佢依家15歲，係最需要我陪伴嘅時候！」