林熹瞳招魂嚇傻懷念亡兄

藝人林熹瞳（Rachel）在新片《怪談電影－撩鬼》中，再突破大膽極限，她說：「有場戲講我哋到咗一個荒廢村落，攝製隊突然要我披麻戴孝，幫一個死於兇殺案嘅家庭勸亡魂離開，嚇到我傻。另外有一幕講述靈媒為我請已經過身嘅哥哥嚟陽間，其實我一直放唔低阿哥過身嘅事實，佢24歲患腦癌，昏迷3年後走咗，當時我讀緊演藝學院好忙，唔放心阿哥一個人喺醫院，所以叫媽咪唔好打工照顧阿哥，呢次拍攝令我諗番同阿哥嘅回憶，好Touching！師傅（司徒法正）餐餐都畀我哋大魚大肉，彌補我哋心靈創傷，不過食飽再嚇過！」