蔣家旻啜曹永廉零尷尬

曹永廉和蔣家旻首度於無綫劇合作，年紀相差逾廿載的他們飾演情侶，更有攬錫的情節，不過他們絕無尷尬，更揚言毫無「父女Feel」！

曹永廉和蔣家旻（Angel）最近在無綫台慶劇飾演情侶，飾演太監的阿廉更與飾演妓女的Angel發生感情戲，認真破格！雖然他們的年紀相差逾二十載，不過卻無損在劇集《大太監》中的表現，阿廉更大讚Angel是好對手：「同Angel合作唔會覺得佢係妹妹仔，雖然佢真係好細個，不過我拍戲嘅時候都說服自己唔係咁老！」

在以往的劇集中，Angel大多跟年輕一輩如羅天宇及張景淳等演對手戲，不過當跟星級爸爸阿廉拍親熱戲時，也不自覺緊張起來，她說：「我哋喺戲入面嘅感覺唔父女o架！最初知道同阿廉合作都幾緊張，加上之前未合作過，而拍第一集我就要錫佢，所以會同佢好好溝通！」

各有難關

阿廉和Angel早前分別遭逢不快事，因阿廉在父親逝世數天後不慎撞車，但他決意化悲憤為動力：「其實爸爸當時嘅病情都好反覆，所以有心理準備佢會離開。唔捨得實有，不過要了解生老病死！而撞車就真係自己唔啱，希望快啲過晒啲衰氣！」至於鮮有緋聞的Angel則與在處境劇中飾演其兄的羅天宇傳出戀情，雖然她大感無奈，但亦不忘公開擇偶條件：「我嘅男神係林志穎同張智霖，希望我嘅另一半童顏之餘又思想成熟，我唔想好似家姐湊細佬咁！」