阿Sa伊健腦輕鬆

鄭伊健與蔡卓妍（阿Sa）主演的寰宇新片早前在昆士蘭拍攝外景，由於取景地收不到電話，令阿Sa大呼一身輕，可以享受大自然的寧靜！

鄭伊健與蔡卓妍在寰宇新片《我老公唔生性》中，扮演一對結婚多年並出現婚姻問題的夫妻，該片早前曾於澳洲昆士蘭取景，並得到當地旅遊局協助，令拍攝十分順利！

有如世外桃源

阿Sa與伊健均大讚昆士蘭風光明媚，阿Sa說：「我舊年都嚟過呢個地方拍攝寫真，呢度真係好靚，好適合電影嘅Ending戲，所以我就介紹大家再嚟呢度！今次重遊舊地，我覺得好輕鬆，下晝四點已經好想瞓覺，再加上呢度完全收唔到電話，感覺更加寧靜，十足十世外桃源一樣，乜都唔使理，冇任何煩惱。」

阿Sa在新片中，其中一個造型是穿上背心短褲一身潛水Look，但可惜因趕戲，再加上當地是風季的關係，她跟伊健最終都未能在堡礁中潛水，令兩人大呼可惜！