張兆輝有波浪唔怕露

張兆輝與岑麗香昨日以飛虎隊造型出席新劇記者會，張兆輝笑言劇中有赤裸場面，又透露與周海媚有感情線。而香香則一改可愛形象演男仔頭，令宅男大失所望！

藝人張兆輝、岑麗香及陳煒等昨日出席新劇《神槍狙擊2013》記者會，張兆輝表示在劇中飾演嚴厲的飛虎隊教官，人緣很差，又沒有新意，但與周海媚有感情線。問到有否為角色而多做運動，操Fit身形？他笑言一向都有做運動，絕對不怕赤裸上身的戲份：「我都有啲波浪o架！同埋有咁多飛虎隊成員，到時一定會有肉睇，可能會有啲更衣室沖涼戲，放心！」

而宅男女神香香在劇中一反可愛形象，飾演性格男仔頭的飛虎隊狙擊手，她笑說：「監製叫我唔好笑咁多！」

着軍褸軍靴勁型

問到會否有水中濕身捉賊的場面？香香即搞笑求饒：「唔好寫呀！一陣佢哋真係加呢場戲！（冇性感戲？）冇呀！我一向都唔係性感！」香香又透露會多穿軍褸、軍靴的服飾，令自己更容易投入角色。

同劇的陳煒指自己的角色是大姐大，會洗黑錢等，更有不少性感打扮，而且身邊不乏男伴，艷福無邊！