秋生邀「舊愛」睇舞台劇

藝人黃秋生前晚首演舞台劇《極地情聖》，台上他將自命清高作家的角色演得出神入化，還演繹《江南Style》的騎馬舞，全場大笑。秋生表示雖然已有三十多年煙癮，但為了演出，已有一段時間冇抽煙。前晚捧場嘉賓眾多，包括曾傳緋聞的呂慧儀偕丈夫黃文迪一同到場，她說：「我同秋生亦師亦友，係佢邀請我哋嚟。我老公都唔介意我同秋生單獨約會，反而秋生介意。」她又指近日與葉玉卿合作拍賀歲片，大讚對方身材保持得好好，自己需要檢討。