Eason無話避是非

陳奕迅（Eason）近日備受太太徐濠縈與黃浩的是非困擾，前晚他終於露面任顧嘉煇的演唱會嘉賓，與仙杜拉及謝安琪等一眾嘉賓落力獻唱！

連日來徐濠縈與前港姐徐淑敏老公黃浩的是非不斷，更引發Eason和老婆阿徐傳言滿天飛，有指兩夫妻「吵大鑊」，阿徐一怒下出走東京狂花50萬發洩，最新傳言指Eason設「和頭酒」，欲擺平太太與黃浩的恩怨。對於種種謠傳，Eason一直懶理。

前晚他因任顧嘉煇演唱會的壓軸嘉賓而終於露面，但避忌的他刻意從紅館後台的側門進場以避開傳聞耳目，其父陳裘大亦有捧場，問到新抱可有到場時，陳父則說：「冇嘢講！」然而一向在台上紮紮跳的Eason，前晚明顯「吹神」不再，木訥又話少，雖然現場觀眾反應熱烈，但Eason只望着台下的煇哥演唱《摘星》，視線更避開記者席，唱畢便說：「好多謝煇哥！好榮幸，我唱一首咋，Bye Bye！」隨即閃人！而對於好友讚Eason唱《摘星》好好聽，阿徐昨日在微博貼上開心的卡通樣留言：「有人再唱畀我聽。」

阿徐潛水

另外，有指前晚阿徐原本會出席好友梁祖堯的舞台劇，卻以「臨時有事」甩底，有去捧場的好友黃偉文（Wyman）對於阿徐受是非困擾，他說：「簡直係地下審判，消息一傳開就一口咬定係阿徐，某人實牙實齒去誤導全世界，咁證據喺邊？冇證據就定人罪，咁阿徐好慘！名譽嘅損失，某人點做或有乜辦法去賠償，某人根本賠唔起！」

據知，Eason跟阿徐今日會採取行動，就近日有關他們的連串新聞遞交投訴書。