吳國敬：唔好再搞搞震

有傳曾志偉與黃浩於婚宴上爆衝突，當晚有份出席的圈中人議論紛紛！

范振鋒：「前晚我做司儀，唔知發生乜事，對於一對新人嚟講好掃興，不過應該好小事，都冇警察入婚禮現場！」

吳國敬：「阿爸（志偉）梗係要撐，無限量支持！最近佢（黃浩）紅到爆！個個都係我啲朋友，佢想點先？希望佢唔好再搞搞震！」

鄧建明：「因為早走，所以見唔到有事發生，之後先知，不過唔清楚咩事！」

衞志豪：「我都係事後聽講！（報警係咪小題大做？）每個人都有處理事件嘅方式，可能呢期興報警。（怕同佢接觸？）我同佢唔係好熟！」