祖兒撐基仔淡薄名利

樂壇天后容祖兒出席《叱咤我最喜愛的男女歌手及組合》拉票活動，有傳古巨基因被電台打壓而叮出五強，身為好友的她大讚基仔已是眾人心水，又力撐他視名次如浮雲，明向基仔打「強心針」！

容祖兒前晚與一眾入圍五強的歌手出席拉票活動，由於傳聞「末日」將至，大會要求歌手挑選隨身物品逃生，祖兒除選擇帶手機、充電器及唱片外，更竟怕暈船浪而帶話梅「着草」。

「下年再嚟囉」

雖然祖兒入圍「我最喜愛的女歌手」五強，但今年成績不俗的基仔傳因被電台「狙擊」而無緣入圍五強，祖兒對此亦大跌眼鏡，她說：「基仔有幾首歌我都好鍾意！不過唔好諗話打壓，總知佢係我同好多人心目中嘅受歡迎歌手，以基仔嘅Level唔會太在意排名！」她又指基仔入行多年應會明白：「今年冇，出年入番囉！我都有機會入唔到o架，咪下年再嚟囉！」同場的鍾欣桐（阿嬌）以過來人身份指Twins亦曾經被踢出組合獎，但不相信有電台高層打壓。對於有關基仔落選的報道，電台對外事務部發言人表示，所有「我最喜愛的男女歌手及組合」均由樂迷在網上投票選出。

另外，昨日祖兒與泳兒及羅力威出席《3家居寬頻全港首個家居寬頻正版卡拉OK服務》新聞發布會。祖兒自爆最近弟弟生日，全家總動員唱K慶祝，又自封「浴室K后」，因常將浴室當K房。問到可有唱男友劉浩龍的《思覺失調》？她說：「我鍾意唱女仔歌！」