Celia K.錫到脷硬嗌蝕底

「E Cup超蓮」鍾采羲（Iris）、郭穎兒（Celia K.）、林宜芝（Monna）及張建聲等昨日到鑽石山出席微劇《女生公寓》記者會，Celia K.及Iris身穿低胸裙，大拋事業線。Iris表示前晚剛與王宗堯完成一場在後樓梯拍攝的咀戲，而非首次合作的Celia K.及張建聲今次則沒有激情場面，Celia K.說：「我哋喺碼頭度錫咋！不過我都錫到個嘴同條脷硬晒，因為張建聲成日夾硬伸條脷過嚟，我叫咗佢唔好但佢唔聽（你自己鍾唔鍾意？）其實我已經習慣咗，佢上次已經係咁（有冇蝕底？）上次拍床戲個時已經蝕晒啦！盡晒o架啦！」問到有否擦出火花？Celia K.說：「第一次拍戲嗰時就好憎佢，因為唔熟又要拍親熱場面，但依家就熟咗。（佢係咪鍾意你？）佢成日都話鍾意我o架喇！」同場的Monna及Iris自爆經常被人爭仔，反而Celia K.曾經與其他人爭仔：「不過我成日都爭輸，希望第時唔使再爭啦！」