樂易玲歡迎「叛將」回巢

無綫製作資源部總監樂易玲對於無綫昨日「臨時」舉行台慶活動，擺明晒冷撼城電記者會，她說：「每個電視台都有佢哋嘅活動，我哋做番自己嘢啫。」城電未獲發免費電視牌照，有傳不少藝人想回巢無綫，她說：「都有聽過有人想『愛回家』，我哋好歡迎，唔會令佢哋難做，靜靜雞搵我哋傾啦！有困難我哋願意幫助，邊個就唔講喇！」而昨日有份臨時被召出席台慶活動的郭晉安，對於是否撼城電，他接受電話訪問時說：「咁就唔清楚，尋日先通知可能係急啲。」又笑言奪視帝要等奇迹出現。