黎耀祥、陳豪及郭晉安等視帝人選昨日逐一上台為自己拉票，祥仔表示若然劇集《大太監》反應好，可能會開拍續集，屆時再「翻閹」一次畀大家睇！提到在「最想咀咀主角」投票中，不少男藝員都投男藝員時，祥仔笑說：「可能大家想試吓新嘢，估唔到公司同事性取向係咁！（翻閹投票？）講笑啫！如果贏咗真係好大機會開續集！因為個古仔仲有好多嘢可以寫。」問到是否選情告急？他說：「都唔知，都要睇觀眾選擇，無論贏定輸都係可以反映觀眾意向。（點樣拉票？）可能叫超巿派現金券，講笑啫！」
黎耀祥能否再奪視帝，要交由觀眾決定。
