杏兒添勝算：我可能會爆冷！

記者會上搞了預演公投的遊戲，胡杏兒獲選為藝員最想與她拍咀戲的「最想咀咀主角」，共得15票，贏了14票的楊怡，其後司儀抽出投了杏兒票的梁烈唯，二人開心得攬作一團，杏兒更錫了梁烈唯面珠一啖！梁烈唯說：「我細個已經睇佢做戲，加入TVB都係因為胡杏兒。」而胡杏兒則說：「我都當佢小弟弟，我都想祝福佢可以攞飛躍獎，呢個遊戲好好玩，希望每年都搞！」問到今次是否臨時拉伕？她說：「尋晚先收到通知，聽余詠珊講機制都好認真，絕對100%交畀觀眾投票，自己就貼馬國明、楊怡，我突然間覺得自己有可能會爆冷，討論區票數最高，盡力而為！」她又表示已準備了有型得來性感的戰衣。