楊怡拉票子珊冇眼睇

楊怡與徐子珊乃今年無綫台慶視后兩大熱門,楊怡在ASTRO頒獎禮中先贏一仗封后,而子珊昨日因病缺席台慶記者會,令楊怡再成焦點風騷拉票,難怪子珊談到奪視后信心時說:「大家諗多咗!」

免費電視牌照大戰一觸即發,無綫為抗衡城電晒冷騷,昨日臨時召開《萬千星輝頒獎典禮2012》全民投票記者會,視帝、視后人選包括黎耀祥、郭晉安、陳豪、胡杏兒、楊怡等及其他藝員合共五十多位藝人到場,更為一人一票公投作預演,不過早前「爭崩頭」為視后拉票的徐子珊竟然缺席此重頭記者會,其經理人表示由於子珊抱恙在身,故不能出席,不過子珊晚上卻出席搵銀活動,更穿着閃爆連身褲示人。

子珊缺席記者會,令在馬來西亞先贏一仗的楊怡顯得更為風騷,爭取在現場拉票的機會,她在台下與緋聞男友坐得極近,中間只隔着謝天華,期間二人大方合照,楊怡不時甜笑,之後他們又齊齊以「必勝」姿態站於台慶獎項面前合照,奪了獎的二人果然保持強勢,在現場再度成為傳媒焦點。在「最想咀咀主角」一人一票投票預演中,羅仲謙被司儀爆出原來他投黎耀祥票,唱票時台下全體「噓爆」,但心情大靚的楊怡則全程冧笑!

讚勁敵實至名歸

抱恙的子珊昨晚出席設計師精品宣傳活動,問到為何缺席台慶記者會?她說:「我感冒仲未好番,去咗睇醫生,喺馬來西亞嗰陣又要通宵錄歌,感冒得好犀利,一直都未好。」對於出席搵銀活動卻缺席無綫活動,問會否怕公司詐型?她說:「唔怕!之後會有更加多工作,今日我都着錯衫,翻咗風,我都會小心身體。」提到早前楊怡贏得馬國視后,問到缺席是否為了避對方?她說:「唔係!喺馬來西亞時我哋個個都好開心,楊怡、馬國明係實至名歸,都戥佢好開心。(係咪覺得自己之後攞獎機會大咗?)大家諗多咗,上年杏兒攞晒兩個,不過今年賽制又唔同咗,之後我都會積極拉票,唔想畀自己太大壓力。」昨晚子珊還要通宵拍攝賀歲片,戲中她會演葉玉卿的後生版,不過由於是70年代背景,故不需要性感,只要Sell靚及可愛的一面,她表示沒有跟葉玉卿見過面,但導演指會將她拍下的片給對方看,她坦言有時間都想跟對方打招呼,並說:「拍攝時我都要喺胸度加墊,升兩個Cup,因為身材勁,一定要加勁啲。」

電話投票留後着

另外,鑑於一人一票選香港小姐發生「冧Server」事件,今次無綫公投選視帝、視后及「最佳劇集」即留有後着,無綫助理總經理區偉林指若果網上投票出現問題,會改用電話投票,並指無綫明知有風險也要進行一人一票,是希望與觀眾互動,目的要將無綫發展成香港及全球華人觀眾的電視台!而無綫製作部總監(非戲劇製作)余詠珊透露今次一人一票投放七位數字:「系統可以做到一分鐘容納60萬人投票,同埋會分流,就算有黑客入侵Server都有3、4個其他渠道投票,要用身份證同流動電話登記,獎品係一部五十幾萬嘅名車。」

第一手消息請下載on.cc東方互動iPhone/iPad/Android Apps

影視組

患上感冒的徐子珊,性感上陣密密吸金!

楊怡摸住台慶視后獎座露出勝利笑容,還與杏兒攬埋一舊!

無綫在記者會上玩投票,讓視帝、視后人選率先感受投票氣氛。

楊怡與羅仲謙合照,擺出相同甫士!

天華夾在楊怡與羅仲謙之間,無阻一對緋聞男女傳情。