白雲Big爆校服遭同學歧視

藝人白雲、o靚模王璐瑤（LuLu）與吳堯堯（YoYo）以Cosplay造型到尖沙咀碼頭，宣傳配音動畫《神秘之法》。三女雖未有性感突圍，但仍吸引不少途人及龍友圍觀。以一身惡靈裝配皮鞭的LuLu自爆戲中以鞭人為樂：「喺戲入面係咁鞭人，聽到人哋尖叫就會覺得興奮，好似SM咁。」這邊廂的LuLu自爆愛SM，但仍不敵那邊廂出動私伙衫的白雲，一套快將逼爆的加細碼校服，令其得天獨厚的身材更加立「睇」！她透露小時候因豐滿身材而遭同學歧視：「我中學嗰幾年都係着冷衫返學，未試過除！因為同學會歧視，搞到我好自卑，細個覺得身材好係核突，就算三十幾度上早會都着冷衫，直到大學先敢除。」