吳綺莉中指夾爆見骨

早前突然被商台炒魷魚的吳綺莉禍不單行，昨日她和林建明（大姐明）及萬綺雯等到海洋公園出席慈善活動，後來眾人上車離開，大姐明閂門時不慎夾爆吳綺莉的中指，頓時血流如注，更傷至見骨！眾人均大為緊張，但經歷過不少風雨的吳綺莉冷靜地說：「冇事冇事！不過見到骨喎，原來骨係白色o架！」

另外，將接替吳綺莉擔任電台節目主持的黎芷珊，昨日否認踢走對方：「唔關我事o架！上星期梁泰來Contact我，但我唔知原來係頂替佢！（聽過佢做節目？）有，幾好吖！（怕唔怕被比較？）有啲壓力！但佢哋講明唔使我做咁多訪問。」她又指未洽談細節，亦未決定何時開咪，但已簽了半年合約。