鍾嘉欣着樽領爭視后

鍾嘉欣昨日到馬鞍山出席商場聖誕活動，她希望得到光波煮食爐作聖誕禮物，打算炮製牛扒及意粉挑戰高級餐廳水準。問到可會請緋聞男友伍允龍試食？她笑說：「都可以o架，我要搵好多人做白老鼠，但係聖誕開工就叫Pizza。」嘉欣透露準備好「密實戰衣」出席台慶頒獎禮：「以前出席頒獎禮都驚走光，今年希望着得最自信、最舒服，自己提議着樽領衫，連腳都唔露，如果大家唔滿意就喺條裙度剪個衩。（有信心攞視后？）都係睇多，如果有Surprise就當Bonus。」而嘉欣前晚在《2012勁歌金曲優秀選第三回》得獎，對於陳法拉冇獎，她說：「唱歌唔係同人比賽、比較，只係做自己鍾意嘅音樂。」

另外，與陳豪拍拖兩年的陳茵媺到屯門出席商場聖誕活動，她讚男友夠浪漫，但還未想到送甚麼禮物給對方，因男友甚麼也不缺。至於想陳豪送甚麼聖誕禮物？她說：「最緊要係有心思，我鍾意花，收花都唔錯。」