青雲自嘲老演員

影帝劉青雲、導演杜琪峯及張學友昨日出席《鮮浪潮2012國際短片展》的閉幕暨頒獎禮。問到青雲會否願意與新導演合作？他說：「睇吓有幾新啦，不過其實都係睇溝通，唔係新舊問題。（減片酬？）睇怕新導演都冇錢啦，不過睇吓佢哋肯唔肯用我呢啲老演員啦。」

他又表示杜Sir初做導演時已跟對方合作，他指當時杜Sir工作認真：「佢嗰時都會發火。（係咪同依家一樣咁好火？）以前佢係緊張，依家佢係可惜，心痛點解冇進步。」並透露前晚與杜Sir及游乃海等食飯慶祝奪得金馬影帝：「佢哋好有心預備咗有金馬徽章嘅蛋糕畀我。」對於亞太影展獲提名，青雲表示很開心，但不會給自己太大壓力。