香香聖誕Speed Dating

宅男女神岑麗香昨日出席香水活動時表示，今年將獨自在港過聖誕，不過人緣甚佳的她不愁寂寞，將與同被稱為「無綫四大處女」的好姊妹王君馨等人慶祝，亦有意舉行單身Party，邀請一班Lonely男藝人過一個Warm Christmas。

岑麗香昨日以一身迷人Pink Lady打扮出席香水活動，她透露聖誕會在港度過：「因為我12月會開劇。（同另一半過？）冇，所以好悶。（同一班藝人姊妹開Party？）我之前都同王君馨講過想食火雞，依家都同佢哋度緊期。（搞個單身Party叫埋男藝人一齊？）都好，如果啲火雞食唔晒都可以請。」現場有一名魔術師表演魔術，問香香是否喜歡男仔給她驚喜，她說：「都好，自己都鍾意學嘢，有創意嘅男仔會加分。」

買香水贈媽咪

近期密密接騷的她被指賺了不少，對此香香表示父母都十分開心：「多謝好多人都畀機會我。」並指正在想買甚麼聖誕禮物給父母：「我諗緊買香水畀媽咪，而Daddy我就想買啲Relax啲嘅嘢！（按摩器？）都係好選擇。（預多少錢買禮物？）我一家人一向買嘢唔會太貴，平時Daddy都只要求我親自畫一張卡畀佢，心意最緊要。」