老公稱遭恐嚇 徐淑敏：事情總會過去

徐淑敏（Suki）昨日到山頂出席仁愛堂慈善步行日。對於老公黃浩近日捲入懷疑藝人吸毒事件而聲稱曾被恐嚇，她指事件已交由老公及警方處理，自己沒看過片段，亦沒有過問太多。問到會否怕影響小朋友？Suki說：「搞到小朋友就唔應該，但相信唔會對小朋友着手。」她表示事情總會過去，相信老公有能力處理。Suki澄清早已見過老公的攬女照，稱認識相中人，她們絕非老公的女友。問到DJ細So老婆阿Wing是否曾與其老公發展？她說：「一定冇。」

同場的馬德鐘表示來到山頂勾起很多回憶：「以前做G4成日都跑山頂訓練，操到好辛苦！（無綫加薪分花紅？）藝員一向都冇，以前都係得利是。有花紅就非常好啦，聽講遲啲有盆菜食都好開心，台前幕後可以聚吓。（你想加幾多人工？）起碼一倍啦！TVB賺咁多。」此外，他前晚與太太及兒子出席姚珏小提琴演奏會時，表示兒子喜歡拉小提琴：「佢受我感染學小提琴，我學到五級。（兒子同你一樣受異性歡迎？）我問佢，佢話唔係，又唔肯同我講。曾經有模特兒公司叫過我個仔加入，佢都鍾意試多啲嘢。（支持兒子入娛圈？）唔會刻意反對，佢好鍾意電影，唔知想做幕前定幕後。」