新加坡騷勁施冧功 林峯借位咀女歌迷

林峯前晚在新加坡出席《Sundown Festival 2012》音樂會，與台灣男歌手倪安東、日本組合Alice Nine及內地女歌手劉力揚等作音樂交流，壓軸出場的林峯，獲女歌迷在台上當眾示愛，林峯即拖着小歌迷玉手大唱情歌，勁施冧功，更借位咀小歌迷，令三千觀眾陷入瘋狂。

林峯在音樂會完結後返抵下榻酒店，歌迷早已夾道歡迎替他預祝生日，更送上以林峯名義捐錢往慈善機構的證明書，令他大為感動：「歌迷好有心，做善事好過花錢買禮物畀我。生日當天（本月8日）我應該喺內地拍劇度過。之前我差啲失場，出席唔到音樂會，因為我好鍾意食新加坡海南雞飯同喇沙，工作人員買畀我食，點知水土不服，屙咗幾次，好彩都頂到。聽朝（即昨晨）要去馬來西亞出席頒獎禮，之後返香港再去橫店拍劇。」對於有傳無綫明年停辦《勁歌金曲頒獎禮》，他說：「辦咗咁多年，冇咗，好可惜！」有傳林峯出席這次音樂會，亮相僅約15分鐘，收六位數字新加坡元。