JJ回味控球獻吻

劉松仁於劇集被楊怡咬唇一幕掀起熱話，前晚播出賈曉晨（JJ）大騷事業線咀他一幕，JJ笑指松哥吸引，但劉松仁被指艷福無邊時，即反指外界不要「咁低層次」！

劉松仁、楊怡、賈曉晨、黃智賢、韓馬利及江美儀等昨日出席劇集《名媛望族》宣傳活動，前晚播出JJ大騷事業線勾引兼咀劉松仁的場口，JJ說：「係唔小心撞到就咀咗兩下，松哥幾吸引o架！（嫌少？）唔係，點都估唔到可以錫到偶像。」劉松仁則說：「係人咀我唔係我咀人！你哋唔好講呢啲，層次低咗。講到色情咁？但戲又唔講，只講個畫面，好奇怪！」

至於另一場江美儀與吳卓羲面貼面的戲份，同樣成焦點，江美儀透露與吳卓羲的接吻戲仍未播出，但已感到「後果嚴重」：「早前已經收到粉絲話我老牛食嫩草，我都有聽過之前鄭欣宜錫吳卓羲之後好大件事！」對於男友吳君祥早前被拍到與嚴淑明出入夜店，日前才與男友於陳可辛生日派對晒恩愛的江美儀，繼續力撐說：「我100%信任佢！只怪我黑絲襪後有啲風頭，連男友都遭殃，男友驚我好過啦！我咁索！（你用黑絲襪撩男友？）使乜撩，佢見到我已經好Hot。」

楊怡失調勁爆瘡

而身陷視后戰的楊怡，面及額頭均爆瘡，她說：「我內分泌失調，要調理身體。」稍後她將到馬來西亞參與被視為無綫台慶前哨戰的《Astro頒獎禮》，她說：「都想有機會攞獎，但又怕攞咗喺香港反而冇。」