蕭家浩視后教路未驚過

「前港男」蕭家浩（Edmond）早前與視后胡杏兒在新劇《戀愛季節》同場，他坦言獲益良多：「杏兒喺劇入面做老師，我做佢學生，雖然杏兒係視后，我係好新嘅新人，但一啲都冇緊張，因為杏兒好好人，對後輩好提點，我想將來可以好似佢咁專業。其實《戀》劇係我拍嘅第二個劇，第一個劇係《衝上雲霄Ⅱ》，咁啱都係杏兒有份演！」

Edmond續說：「最近我再跟老師學彈結他，因為嚟緊我想喺音樂方面做啲成績，想喺台上自彈自唱自己嘅作品，其實我十幾歲時學過兩年，但後尾放低咗冇再跟老師學，好開心老師話我仲Keep到以前水準，但距離可以上台演奏級就要再加把勁！」